قبل ما يكون معرفتى بنجيب محفوظ من خلال الأفلام التى أخذت عن أعماله على شاشة السينما كان من خلال رواية تاريخية مقررة علينا فى المدرسة فى المرحلة الإعدادية اسمها كفاح طيبة لا اذكر منها اى شىء الآن سوى أحمس.. وقبليها لما خد جايزة نوبل 1988 والدنيا اتقلبت برامج ومشاهد من افلام متاخدة عن رواياته ساعتها كانوا بيعرضوا فى التلفزيون مسلسل بين القصرين لمحمود مرسي مسلسل حكاية معرفش ليه رواياته مش بتدرس عندنا فى الجامعات على الرغم انها بتدرس فى كثير من الجامعات الأوربية.. بالنسبة للأفلام اتعمل أكتر من 40 فيلم عن اعماله أفضلهم بالنسبة لى فيلم بداية ونهاية للمخرج صلاح ابو سيف اتعملت الرواية فى السينما المكسكية فى التسعينات بس اما شوفت الفيلم عجبنى اكتر الفيلم المصرى كان محافظ على جوهر الرواية اكتروللأسف السينما المصرية معرفتش تستغل نجيب محفوظ سينمائياً صح.. أغلب الأفلام اللى اتعملت عن أعماله أقل ما توصف رديئة.. افضل ما قرأت لنجيب محفوظ حتى الآن الثلاثية (بين القصرين- قصر الشوق- السكرية) – بداية ونهاية
